Ganesh Chaturthi

Ganesh Chaturthi


Kristi lokak Natalanchi Porob kuttumbachi porob zalear Hindu bhav-bhoinnank Ganesh Chaturti kuttumbachi porob zavn asa. Tea disa Hindu bhav-bhoinnim aplea kuttumba bhair asat teo aplea ghorchea ghara ietat ani ut-sovak ekttaim zatat.

Hea utsova nimtan soglim bhav-bhoinnim teo magir Hin-du, Kristanv vo Musol-man zanv, eka-mekager vochun porbim ditanv. Thoddim vorsam zalint Goeant tinuim dhormanchea bhav-bhoinnamni ek ekvott ghoddun haddla ani Sorv-Dhorm Manch vo Solidarity Forum mhonn nanv dilam. Tinuim dhormancheam porbam-utsovam somoiar heo tinuim dhormancheo bhav-bhoinnim kosloch vegllozar nastanam Goeant kaim zageancher mellave zatat ani kariavolli kortat.

Pilarche Misanvanchea Seminarint ontor dhormancheo (inter-religious) kariavolli choltat. Hindu, Kristanv ani Muslim sangatan ievn ekchara ani ekvotta voir somjikaen bhasabhas kortat.

Desantlo dhormbhed pois korpacho tancho hetu.

Gonnesache Murti voir zaiteo khobro asat ani tantli ek mhonnlear hi: Xenkor-Parvaticho ek ghorabo aslo ani Parvati nhanvunk geli tednam Gonnesak darar dovorlo, konnuim bhitor soronam zavnk. Xenkor bhitor sorunk laglo tednam Gonnesan taka haddailo, karonn taka khobor nasli khoim to aplo bapui mhonn. Apleak bhitor vochunk dinam mhonn Xenkorak rag ailolean Gonnesachi tokli kapun uddoili ani Xenkor ghorant bhitor sorlo.

Xenkor Gonnesak marun bhitor sorlo mhonn Parvatibai bob marun roddunk lagli ani sogleak boball zalo. Sogleam devancher akant ailo. Ani kitem kortolet tem chintunk poddlet. Axvinikuram devachea voiza lagim gele ani kiteim korunk zata tem tache kodde vicharlem khoim. Vell ibaddinastana konnui poilo mellta tachi tokli kapun haddun Gonnesak lavpak Axvinikuraman sanglem. Soddunk gelole kodden tankam poilo hoti mell’lo ani tachi tokli kapun Gonnesak laili ani hea porim Gonnesak novo zolm zalo mhonntat.

Hea xekddeache survatek Bharotachea kaim rajeamni Gonnesacho Utsov korunk suru kelo mhonn sangtat. Murtechi puja kortoch thoddo lok dedd dis panch, sat ani ikra dis ghorant dovortat ani dobajean vhorun pavoitat vo buddoitat. Team disamni bhett korunk ietoleank mittai ani khann ditat.

Zito Almeida.
(Courtesy: V-Ixtt)